Категория:
Рейтинг:
5.0/1
Активность:
1300
Баранавічы на старых паштоўках. Вул. Марыінская–Hauptstrasse- Шаптыцкага-Савец-ая
20 октября 2008 г.
Найчасьцей на старых баранавіцкіх паштоўках прадстаўлена адна вуліца, вядомая кожнаму жыхару гораду. Вуліца якая мае сёньня не адпаведную часу назву – Савецкая.
Послать комментарий (2)Отправить ссылку другу Напечатать изменить шрифт:A+|A-
Гэтая вуліца была запраектаваная графам Развадоўскім і адна зь першых зьявілася ў рэчаіснасьці. Першапачаткова вуліца названая была ў гонар дачкі Развадоўскага –Марыінская (Мариинская).
Вуліца зьяўлялася таксама мяжою для пасяленьня габрэяў. Напачатку Генэральны губэрнатар дазволіў сяліцца жыдам толькі да чыгункі (прыкладна цяперашняя Брэсцкая) і вуліцы Марыінская. Абмежаваньне тое было адменена толькі ў 1903 годзе.
Назва пратрымалася да І сусьветнай вайны. З захопам нашага гораду кайзэраўскім войскам у 1915 годзе вуліцу назвалі на нямецкі лад – Hauptstrasse (Галоўная вуліца). Гэтая назва найчасьцей і сустракаецца на старых паштоўках, бо як ужо пісалася, найбольшыя наклады паштовак з Баранавічамі друкаваліся менавіта пад час I сусьветнай вайны. Нямецкім жаўнерам даспадобы было тады пісаць лісты з фронту на паштоўках.
Пасьля адыходу немцаў вуліца недзе да 1921 году вярнула сваю даваенную назву. Але польскія ўлады вырашылі надаць вуліцы назву Шаптыцкага. Польскага генэрала, камандуючага Літоўска-Беларускім фронтам, які вызваляў Баранавічы ад бальшавікоў.
Назва вуліцы праіснавала гэтулькі, колькі пратрымлася польская ўлада на нашых землях. Пасьля далучэньня Заходняй Беларусі да БССР у 1939 годзе, вуліца ізноў зьмяніла назву на цяперашнюю – Савецкая.
Падчас акупацыі гораду фашыстамі вуліца атрымала сваю першую назву – Марыінская. Але пасьля 1944 і да сёньняшняга часу ізноў сталася Савецкаю. Па яе бруку праходзілі савецкія парады, таксама савецкія танкі ў 1939 годзе.
Старыя паштоўкі захавалі для нас выгляд той, старой вуліцы. Ня было гатэлю "Гарызонт" – на яго месцы кавярня "Залаты рог". Друкарня яшчэ мае прыгожыя вежы-цыбулінкі, уздоўж цягнуцца драўляныя слупы. Прыпаркаваныя першыя аўто…
Гісторыя гораду толькі пачынаецца, застыўшы для нас назаўжды на гэтых картках.
Фота з архіву Руслана Равякі.
