• Категория:
  Исследование
• Рейтинг:
  5.0/1
  • 1
  • 2
  • 3
  • 4
  • 5
• Активность:
  1442

Вуліца Горкага ўзнікла ў другой палове ХІХ стагоддзя і з’яўляецца адной са старэйшых вуліц горада Баранавічы. 

Першапачатковая назва вуліцы – Аляксандраўская. 

У час Першай сусветнай вайны, калі горад быў захоплены нямецкімі войскамі, вуліца атрымала новую назву – Кайзервільгельмштрасэ, у гонар германскага кайзера Вільгельма ІІ. 

Пасля падпісання Рыжскага мірнага дагавору  Баранавічы сталі павятовым цэнтрам у складзе Польскай дзяржавы. У 1921 годзе гарадская адміністрацыя перайменавала вуліцу Аляксандраўскую ў Сенатарскую. Гэтую назву яна захавала да 1939 года. 

Пасля ўз’яднання Заходняй Беларусі з БССР і ўстанаўлення савецкай улады ў горадзе вуліца атрымала назву Пралетарская. 

У час акупацыі горада нямецка-фашысцкімі войскамі вуліцу называюць Аптэчнай. 

Пасля вызвалення Баранавіч вуліца зноў становіцца Пралетарскай, а ў канцы 1947 года атрымала назву ў гонар рускага пісьменніка Максіма Горкага, якую носіць і цяпер.